ယောနသံဒေသ၏ အမျိုးသားခေါင်းဆောင်ပထမ မိုးနတ်မင်းသား၏ မွေးနေ့ အခမ်းအနားကို သော်တာမင်္ဂလာ အိမ်တော်၌ ခမ်းနားထည်ဝါစွာ ကျင်းပ
အဆိုပါ အခမ်းအနားသို့ ယောနသံဒေသ အကြီးအကဲ တတိယ မိုးနတ်မင်းသား၊ ဝန်ကြီးချုပ် ဦးဒီပါနှင့်တကွ ဒေသ အစိုးရအဖွဲ့ဝင် ဝန်ကြီးများ၊ အမျိုးသားကာကွယ်ရေးတပ်မတော် (NDA) မှ အဆင့်မြင့် အရာရှိကြီးများလည်း စုံညီစွာ တက်ရောက်ခဲ့ကြသည်။
အခမ်းအနား အစီအစဉ်အရ ရှေးဦးစွာ အမျိုးသားခေါင်းဆောင်ကြီး၏ ဂုဏ်ကျေးဇူးကို ရည်စူး၍ ပင့်ဖိတ်ထားသော သံဃာတော်အရှင်သူမြတ်များအား "သော်တာမင်္ဂလာ အိမ်တော်" ၌ အရုဏ်ဆွမ်းနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ကြသည်။
ထို့နောက် ဒေသအကြီးအကဲမှ ခေါင်းဆောင်ကြီး၏ ရုပ်တုရှေ့မှောက်တွင် လွမ်းသူ့ပန်းခွေချ၍ အလေးပြုခြင်းနှင့် ဒေသ၏ အချုပ်အခြာအာဏာ တည်တံ့ခိုင်မြဲရေးအတွက် ထားရှိခဲ့သည့် ၎င်း၏ လောကပါလတရားများကို ပြန်လည် အောက်မေ့ သတိရကြောင်း မိန့်ခွန်းပြောကြားခဲ့ပါသည်။
ယနေ့အခမ်းအနားတွင် ဒေသအကြီးအကဲ တတိယ မိုးနတ်မင်းသားက - "ကျွန်ုပ်တို့၏ ခေါင်းဆောင်ကြီး ချမှတ်ခဲ့သော လမ်းစဉ်အတိုင်း ယောနသံဒေသကို ကမ္ဘာ့အဆင့်မီ စီးပွားရေးနှင့် လုံခြုံရေး အင်အားတောင့်တင်းသော ဒေသတစ်ခုဖြစ်အောင် ဆက်လက် တည်ဆောက်သွားမည်" ဟု အခိုင်အမာ ပြောကြားခဲ့ပါသည်။
အခမ်းအနားအပြီးတွင် ဒေသအကြီးအကဲ၏ လမ်းညွှန်မှုဖြင့် ယောနသံမြို့အတွင်းရှိ မိဘမဲ့ဂေဟာများနှင့် လူမှုကူညီရေးအသင်းများသို့လည်း လှူဒါန်းမှုများ ပြုလုပ်ခဲ့ကြောင်း သိရှိရသည်။
