ယောနသံဒေသနိုင်ငံရေးပါတီများမှတ်ပုံတင်ခြင်းဆိုင်ရာဥပဒေ

အခန်း ၁ – အထွေထွေ

ပုဒ်မ ၁ - အမည်နှင့် ရည်ရွယ်ချက်

ယောနသံဒေသ အတွင်း နိုင်ငံရေးပါတီများ တရားဝင် မှတ်ပုံတင်ခြင်း၊ လုပ်ငန်းဆောင်ရွက်ခြင်းများကို စနစ်တကျ ပြုလုပ်ရန်နှင့် ဒေသတွင်းစည်းလုံးညီညွတ်မှု ထိန်းသိမ်းရန် ဤ ဥပဒေကို "ယောနသံဒေသ နိုင်ငံရေးပါတီများမှတ်ပုံတင်ခြင်းဆိုင်ရာ ဥပဒေ" ဟု ခေါ်ဆိုသည်။

ပုဒ်မ ၂ - ဥပဒေအတွက် တာဝန်ရှိသူ

ဥပဒေကို ယောနသံ ဒေသအစိုးရ၏ တရား ဥပဒေအရာရှိများက စနစ်တကျ ထိန်းချုပ်မည်ဖြစ်သည်။

အခန်း ၂ – နိုင်ငံရေးပါတီများမှတ်ပုံတင်ခြင်း

ပုဒ်မ ၃ - တရားဝင်ပါတီ

ယောနသံဒေသတွင် တရားဝင် နိုင်ငံရေးပါတီ အဖြစ် "ယောနသံ တိုးတက်ရေးအဖွဲ့" (YDA) ကိုသာသတ်မှတ်ထားသည်။

**ပုဒ်မ ၄ - အခြားပါတီများ မှတ်ပုံတင်ခြင်း

ယောနသံဒေသတွင် "ယောနသံ တိုးတက်ရေးအဖွဲ့" အပြင် အခြား နိုင်ငံရေးပါတီများကို သီးခြား တည်ထောင်ခွင့် မပြု။

ပုဒ်မ ၅ - နိုင်ငံရေးပါတီများမှ လုပ်ဆောင်ခြင်းများ

တရားဝင်မှတ်ပုံတင်ထားသော "ယောနသံ တိုးတက်ရေးအဖွဲ့" မဟုတ်သည့် အဖွဲ့အစည်းများသည် နိုင်ငံရေးဆောင်ရွက်မှုများပြုလုပ်ပါက အရေးယူခြင်းခံရမည်ဖြစ်သည်။

အခန်း ၃ – တရားမဝင်ပါတီများ၊နိုင်ငံရေး အဖွဲ့အစည်းများအပေါ် စည်းမျဉ်းနှင့် အရေးယူမှုများ

ပုဒ်မ ၆ - တရားမဝင်ပါတီများ

တရားမဝင်ပါတီများကို တည်ဆဲ ဥပဒေစည်းမျဉ်းများအရ စစ်ဆေး၍ ပြည်သူများအပေါ် တရားမဝင် မဲဆွယ်ခြင်း၊ သတင်းလွှာထုတ်ပြန်ခြင်းနှင့် စီတန်းလှည်ပွဲများ မပြုလုပ်ရမ် တင်းကြပ်စွာ တားမြစ်သည်။

ပုဒ်မ ၇ - ပြစ်ဒဏ်များ

ပုဒ်မ ၆ ကို ချိုးဖောက်ပါက ထောင်ဒဏ် ဆယ်နှစ် ထက် မနည်းသော ပြစ်ဒဏ် သို့မဟုတ် ငွေဒဏ်နှင့် ပူးတွဲ ချမှတ်မည်။ 

အခန်း ၄ – နိုင်ငံရေးပါတီများ တည်ထောင်ခွင့် နှင့် အခြေခံလိုအပ်ချက်များ

ပုဒ်မ ၈ - အခြေခံလိုအပ်ချက်များ

ယောနသံဒေသ အတွင်း တည်ငြိမ်ခြင်းနှင့် ဖွံ့ဖြိုးတိုးတက်မှုအတွက် ယောနသံ တိုးတက်ရေးအဖွဲ့ ၏ မူဝါဒများကို အခြားပါတီများ၊ နိုင်ငံရေး အဖွဲ့အစည်းများက လိုက်နာရန်လိုအပ်သည်။

ပုဒ်မ ၉ - အခြားပါတီများမှ ပြည်သူများကို စည်းရုံ၊ ဆွဲဆောင်ခြင်း

ယောနသံတိုးတက်ရေးအဖွဲ့မှ သတ်မှတ်ထားသော နည်းလမ်းနှင့် လိုက်လျောညီထွေမှုဖြင့်သာ ဆောင်ရွက်ခွင့်ပြုမည်။

အခန်း ၅ – နိုင်ငံရေးပါတီများထားရှိရမည့် ရည်ရွယ်ချက်

ပုဒ်မ ၁၀ - ရည်ရွယ်ချက်များ

"ယောနသံ တိုးတက်ရေးအဖွဲ့" ကို တရားဝင် နိုင်ငံရေးပါတီအဖြစ် သတ်မှတ်ထားခြင်း၏ ရည်ရွယ်ချက်မှာ ပြည်သူများ၏ စည်းလုံးညီညွတ်မှု၊ တည်ငြိမ်မှုနှင့် ဖွံ့ဖြိုးတိုးတက်မှုအတွက် ဖြစ်သည်။

ပုဒ်မ ၁၁ - ရေရှည်စီမံချက်များ

နိုင်ငံရေးဆွဲဆောင်မှုများ၊ မဲဆွယ်မှုများကို "ယောနသံ တိုးတက်ရေးအဖွဲ့" နှင့် မိတ်ဖက်နိုင်ငံရေး အဖွဲ့အစည်းများ ကသာ လုပ်ဆောင်ခွင့်ပြုမည် ဖြစ်သည်။

**အခန်း ၅ – ရှင်းလင်းချက် နှင့် ခွင့်ပြုခြင်း

**ပုဒ်မ ၁၂ - သီးခြားပါတီများမှ တည်ထောင်ခွင့်မပြုခြင်းအကြောင်းရင်းများ

ယောနသံ ဒေသ အတွင်း အခြား နိုင်ငံရေး စနစ် နိုင်ငံရေးပါတီများကို တည်ထောင်ခွင့်မပြုခြင်းမှာ ပြည်သူများ၏ စည်းလုံးညီညွတ်မှုကို ထိန်းသိမ်းရန် 

ဖြစ်သည်။ လွတ်လပ်မှု၊ တည်ငြိမ်မှုနှင့် ဖွံ့ဖြိုးတိုးတက်မှုတို့ကို မြှင့်တင်ပြီး ပဋိပက္ခမဖြစ်ပွားစေရန် ဖြစ်သည်။

ပုဒ်မ ၁၃ - အခြားပါတီများမှတ်ပုံတင်ရန် လိုအပ်ချက်များ

နိုင်ငံရေးပါတီ တခုအဖြစ် မှတ်ပုံတင်ရန်အတွက် အောက်ပါ လိုအပ်ချက်များကို ပြည့်မီရမည်။ 

- ဒေသအစိုးရ၏ အတည်ပြုချက်ရယူရမည်။

- ယောနသံ တိုးတက်ရေးအဖွဲ့၏ မူဝါဒများနှင့် တိကျစွာလိုက်နာရမည်။

ဤဥပဒေကို ယောနသံဒေသ၊ ပြည်သူ့အတိုင်ပင်ခံ ကောင်စီက အတည်ပြုပြီး ကျွန်ုပ် လက်မှတ်ရေးထိုး ထုတ်ပြန်လိုက်သည်။ 

ပထမ မိုးနတ်မင်းသား 

အကြီးအကဲ

ယောနသံဒေသ အစိုးရအဖွဲ့