အမှတ် ၁ ယာယီထိန်းချုပ်ဒေသခွဲ ရှိ ရှေ့တန်းစခန်းများသို့ ဒေသအကြီးအကဲ သွားရောက် စစ်ဆေး

ယောနသံဒေသ အစိုးရမှ ထုတ်ပြန်သည်။

ယောနသံ ဒေသအကြီးအကဲ ပထမ မိုးနတ်မင်းသား၊ကာကွယ်ရေး ဝန်ကြီး ဗိုလ်ချုပ်ကြီး လင်းထင်၊ စစ်ဦးစီးချုပ် ဗိုလ်ချုပ်ကြီး မင်းဇော်နှင့် တာဝန်ရှိသူများ လိုက်ပါကာ အမှတ် ၁ ယာယီထိန်းချုပ်ဒေသခွဲ ရှိ ရှေ့တန်းစစ်စခန်းများသို့ သွားရောက်ခဲ့သည်။

ခရီးစဥ်အတွင်း တပ်မတော်တပ်ဖွဲ့ဝင်များ၏  နေရေးထိုင်ရေး၊ ဆေးဝါးကုသရေးနှင့် ထောက်ပံ့ရေးပစ္စည်းများရရှိရေး သေချာစေရန် စစ်တန်းလျားများ၊ ဆေးဘက်ဆိုင်ရာဌာနများနှင့် သိုလှောင်ရုံများကို သွားရောက်ကြည့်ရှု စစ်ဆေးခဲ့သည်။

အခက်အခဲများ၊ လိုအပ်ချက်များ၊ သက်သာချောင်ချိရေး အပါအဝင် အခက်အခဲများိုု ထုတ်ဖော်ပြောဆိုနိုင်ရန်အတွက် အမျိုးသားကာကွယ်ရေး တပ်မတော် (NDA) ၊ သောင်းကျန်းသူ ​ကာကွယ်ရေး တပ်ဖွဲ့ (Insurgent Defence Force) တိူ့မှ တပ်မတော်သားများနှင့် တိုက်ရိုက်တွေ့ဆုံမှုများ ပြုလုပ်ခဲ့သည်။

တင်ပြချက်များနှင့် ပတ်သက်၍ ဒေသအကြီးအကဲက အခက်အခဲများကို အဆင့်လိုက် လိုအပ်ချက်များ အတိုင်း ချက်ချင်းကိုင်တွယ်ဖြေရှင်းသွားမည် ဖြစ်ကြောင်း ပြောကြားခဲ့သည်။

ထို့နောက် ဒေသဆိုင်ရာ တာဝန်ရှိ စစ်ဘက်အရာရှိကြီးများနှင့် တွေ့ဆုံစဥ် တိုက်ပွဲများ၊ ကင်းလှည့်ခြင်းရလဒ်များနှင့် အလားအလာရှိသော ခြိမ်းခြောက်မှုများဆိုင်ရာ ထောက်လှမ်းရေးများ အပါအဝင် နယ်မြေအခြေအနေများကို ဒေသအကြီးအကဲထံ တင်ပြကြသည်။

ဒေသအကြီးအကဲက ပေါ်ပေါက်လာသော လုံခြုံရေးခြိမ်းခြောက်မှုများကို တိုက်ဖျက်ရာတွင် သတိရှိမှု၊ လိုက်လျောညီထွေရှိမှုနှင့် စည်းလုံးညီညွတ်မှု၏ အရေးကြီးမှုကို အလေးပေးကာ ကာကွယ်ရေးဗျူဟာများကို NDA စစ်ဦးစီးအဖွဲ့နှင့် အတူ ပြန်လည် ဆွေးနွေး ညှိနှိုင်းပေးခဲ့သည်။

ဒေသကို ကာကွယ်ရန် ၎င်းတို့၏ စွန့်လွှတ်အနစ်နာခံမှုနှင့် ကတိကဝတ်များအတွက် ကျေးဇူးတင်ကြောင်း
တပ်ဖွဲ့ဝင်များအား ပြောကြားသော မိန့်ခွန်းအတွင်း ဒေသအကြီးအကဲက ထည့်သွင်းပြောကြားခဲ့သည်။

"ကာကွယ်ရာရေးလုပ်ငန်းစဥ်မှာ မင်းတို့ပြသခဲ့တဲ့ ရဲစွမ်းသတ္တိက တုနှိုင်းမရပါဘူး။ မင်းတို့ရဲ့ရဲစွမ်းသတ္တိကြောင့် ပြည်သူတွေဟာ ငြိမ်းချမ်းစွာ အိပ်စက်နိုင်ကြတယ်။ မင်းတို့ရဲ့ အနစ်နာခံမှုတွေကို အသိအမှတ်ပြုပြီး လိုအပ်တဲ့ အရင်းအမြစ်တွေနဲ့ ပံ့ပိုးမှုတွေ ရှိစေဖို့ ငါ ကတိပြုပါတယ်။ စိန်ခေါ်မှုတိုင်းကို အတူတူ ကျော်ဖြတ်မယ်။ ငါတို့ရဲ့ စည်းလုံးညီညွတ်မှုဟာ ငါတို့ အချုပ်အခြာ တည်မြဲခိုင်ခံ့မှုရဲ့ အခြေခံအုတ်မြစ်ဖြစ်လိမ့်မယ်“ ဟု ဒေသအကြီးအကဲက မိန့်ခွန်းအတွင်း ပြောကြားသည်။

ခရီးစဉ်အပြီးတွင် ဒေသအကြီးအကဲက အစိုးရအဖွဲ့ အစည်းအဝေးခေါ်ယူကာ  ထောက်ပံ့ရေးပစ္စည်းများ၊ ဆေးဝါးကိရိယာများကို ထောက်ပံ့ပို့ဆောင်ရေး စခန်းများသို့ ထပ်မံပေးပို့ရန်၊ တပ်ဖွဲ့ဝင်များ၏ စွမ်းဆောင်ရည်နှင့် အဆင်သင့်ဖြစ်မှုတို့ကို မြှင့်တင်ရန် အထူးပြုလေ့ကျင့်ရေး အစီအစဉ်များကို စတင်ဆောင်ရွက်ရန်၊ စစ်စခန်းများတွင် တန်းလျားများ၊ ဆက်သွယ်ရေးစနစ်များနှင့် ထောက်ပံ့ရေးလိုင်းများ ပိုမိုကောင်းမွန်လာစေရန် ဦးစားပေးဆောင်ရွက်ရန် ဆွေးနွေးဆုံးဖြတ်ခဲ့သည်။