အမျိုးသားကာကွယ်ရေး တပ်မတော်တွင် အဆင့်တိုးမြှင့်ခန့်ထားခြင်း

ယောနသံဒေသ အကြီးအကဲ၊ အမျိုးသားကာကွယ်ရေး တပ်မတော် (NDA) ၏ စစ်သေနာပတိ ပထမ မိုးနတ်မင်းသား၏ သားတော် ဖြစ်ပြီး ဒေသအကြီးအကဲရာထူး အတွက် ဆက်ခံရန် လျာထားခြင်း ခံရသူ ဗိုလ်ကြီး ဇမ္ဗူ မိုးနတ်မင်းသား ကို ဗိုလ်မှူးအဖြစ် အဆင့်တိုးမြှင့် ခန့်ထားကြောင်း ထုတ်ပြန်အပ်ပါသည်။

 ဇမ္ဗူ မိုးနတ်မင်းသား သည် တံခွန် စစ်တက္ကသိုလ်မှ ဂုဏ်ထူးတန်းဖြင့် ဘွဲ့ရခဲ့ပြီး စစ်ရေးဗျူဟာနှင့် ကာကွယ်ရေး စစ်ဆင်ရေးများကို အထူးပြုလေ့လာခဲ့သည်။ မိုးနတ်မင်းသားသည် အမေရိကန်နိုင်ငံရှိ International War College တွင် အဆင့်မြင့်စစ်ပညာများ ဆက်လက်ဆည်းပူးခဲ့ပြီး ခေတ်သစ်စစ်ပွဲနှင့် ကာကွယ်ရေးမူဝါဒများကို ဆက်လက်လေ့လာခဲ့သည်။

ကျောင်းဆင်းပြီးနောက် ဇမ္ဗူ မိုးနတ်မင်းသား သည် NDA ၏ အမှတ် ၆ တပ်မဟာတွင် ဒုတိယဗိုလ် အဖြစ်မှ ဗိုလ်ကြီးအဆင့်အထိ စစ်မှုထမ်းခဲ့သည်။ ရာထူးအသစ်တွင် ဗိုလ်မှူးအဖြစ် ဇမ္ဗူ မိုးနတ်မင်းသား သည် တပ်ဖွဲ့ဝင်များကို ကြီးကြပ်ကာ ဒေသတွင်း နှင့်ပြင်ပ မစ်ရှင်များကို ဦးဆောင်မည်ဖြစ်သည်။  

ယခု ရာထူး တိုးမြှင့်ခြင်းသည် ယောနသံ၏ မျိုးဆက်သစ် ခေါင်းဆောင်မှု အတွက် သမိုင်းဝင်အခိုက်အတန့်တစ်ခုဖြစ်သည်။