ယောနသန်အများပြည်သူသယ်ယူပို့ဆောင်ရေးစနစ် (YPTS) စတင်
ယောနသန်ဒေသအစိုးရသည် ဒေသတွင်းရှိ မြို့ကြီးခြောက်မြို့ကို ဆက်သွယ်ပေးမည့် ဘတ်စ်ကားကွန်ရက်အသစ်ဖြစ်သော ယောနသန်အများပြည်သူသယ်ယူပို့ဆောင်ရေးစနစ် (YPTS) စတင်ကြောင်း ဂုဏ်ယူစွာကြေညာအပ်ပါသည်။
ဤအစီအစဉ်သည် ပြည်သူများ သက်သာစွာဖြင့် ခရီးသွားလာရေးကို တိုးတက်စေရန်၊ ယာဉ်ကြောပိတ်ဆို့မှုကို လျှော့ချရန်နှင့် စီးပွားရေးဖွံ့ဖြိုးတိုးတက်မှုကို အထောက်အကူပြုရန် ဖြစ်သည်။
၁။ အများပြည်သူသယ်ယူပို့ဆောင်ရေးစနစ်၏ ရည်ရွယ်ချက်များ
ဒေသတွင်း မြို့အချင်းချင်းကို ချောမွေ့စွာသွားလာနိုင်ခြင်း
အလုပ်နေရာများ၊ ပညာရေးဆိုင်ရာအဖွဲ့အစည်းများနှင့် စီးပွားရေးလုပ်ငန်းများသို့ သွားလာနိုင်မှုကို တိုးတက်စေခြင်း
ယာဉ်ကြောပိတ်ဆို့မှုနှင့် လေထုညစ်ညမ်းမှုကို လျှော့ချရန် အများပြည်သူသယ်ယူပို့ဆောင်ရေးအသုံးပြုမှုကို အားပေးခြင်း
၂။ အများပြည်သူသယ်ယူပို့ဆောင်ရေးကွန်ရက်ဖြင့် ဆက်သွယ်ပေးမည့် မြို့များ
ယောနသံမြို့ (မြို့တော်)
ရာဇဋ္ဌာနီမြို့
ရန်အောင်မြင်မြို့
ရတနာအောင်မြေမြို့
အိမ်ဦးမြို့
တံခွန်မြို့
၃။ အစောပိုင်း အကောင်အထည်ဖော်မှုအစီအစဉ်
ပထမအဆင့်တွင် ဘတ်စ်ကားအစီးရေ ၂၅၀ နှင့် နှစ်နှစ်အတွင်း လိုအပ်ချက်အပေါ်မူတည်ကာ တိုးချဲ့ရန် အစီအစဉ်ရှိသည်။
ယာဥ်လမ်းကြောင်းများ- လူနေရပ်ကွက်များ၊ စီးပွားရေးဇုန်များနှင့် စက်မှုဇုန်များကို ဆက်သွယ်ပေးသည့် အဓိကလမ်းကြောင်း ၁၂ ခု ဖြစ်သည်။
ပြေးဆွဲချိန်များ - နံနက် ၅:၀၀ နာရီမှ ည ၁၁:၀၀ နာရီအထိ။
ဘတ်စ်ကားပြေးဆွဲနှုန်း- အလုပ်ချိန်များတွင် ၁၀ မိနစ်တစ်ကြိမ်
အလုပ်ချိန်ပြင်ပတွင် မိနစ် ၂၀-၃၀ တစ်ကြိမ်။
ခရီးစဉ်နှုန်းထားစနစ်- တစ်ခေါက်လျှင် ၇၀၀ ကျပ်မှ စတင်ပြီး ကျောင်းသားများ၊ သက်ကြီးရွယ်အိုများနှင့် အစိုးရဝန်ထမ်းများအတွက် လစဉ်သက်သာခွင့်လက်မှတ်များ ရှိသည်။
၄။ အနာဂတ်တိုးချဲ့မှုအစီအစဉ်များ
၂၀၂၇ ခုနှစ်မှစတင်ကာ သဘာဝပတ်ဝန်းကျင်နှင့် လိုက်လျောညီထွေသော လျှပ်စစ်ဘတ်စ်ကားများကို ထည့်သွင်း ပြောင်းလဲရန် စီစဉ်ထားသည်။
စမတ်သယ်ယူပို့ဆောင်ရေးစနစ် - GPS ခြေရာခံခြင်း၊ မိုဘိုင်းအက်ပ်အခြေခံလက်မှတ်စနစ်နှင့် အလိုအလျောက်ခရီးသည်သတင်းအချက်အလက်ပြသမှုများကို မိတ်ဆက်မည်ဖြစ်သည်။
၅။ ခရီးသည်များ၏ ဘေးကင်းလုံခြုံရေး
ဘတ်စ်ကားများနှင့် သယ်ယူပို့ဆောင်ရေးအချက်အချာနေရာများအားလုံးတွင် ၂၄ နာရီ CCTV စောင့်ကြည့်ခြင်း၊
လုံခြုံစိတ်ချရသော ခရီးသွားလာမှုကို သေချာစေရန်အတွက် သီးသန့်သယ်ယူပို့ဆောင်ရေးလုံခြုံရေးအဖွဲ့၊
ခရီးသည်များအတွက် အရေးပေါ်အကူအညီပေးရေး hotline ပါဝင်သည်။
