ယောနသန်ဒေသအကြီးအကဲ ပထမ မိုးနတ်မင်းသား၏ မိန့်ခွန်း

လေးစားအပ်သော ပြည်သူများခင်ဗျား

ကျွန်တော်တို့ချစ်တဲ့ ဒေသရဲ့ ထူးထူးခြားခြား တိုးတက်မှုနဲ့ ဖွံ့ဖြိုးတိုးတက်မှုကို ဂုဏ်ပြုသောအားဖြင့် ဝမ်းမြောက်ဂုဏ်ယူစွာ နှုတ်ခွန်းဆက်သအပ်ပါတယ်။  မကြာသေးခင်နှစ်တွေအတွင်း ​ယောနသန်ဟာ အောင်မြင်တဲ့ အသွင်ကူးပြောင်းရေးခရီးကို ဖြတ်သန်းခဲ့ပါတယ်။

ဦးစွာပထမ ကျွန်တော်က ခံနိုင်ရည်ရှိတဲ့ စိတ်ဓာတ်နဲ့ ဒေသအပေါ်ယုံကြည်ပြီး မယိမ်းယိုင်တဲ့ အပ်နှံမှု ပြုခဲ့ကြသူ ပြည်သူတွေကို လှိုက်လှိုက်လှဲလှဲ ကျေးဇူးတင်ကြောင်း ဖော်ပြလိုပါတယ်။ စိန်ခေါ်မှုတွေကို အတူတကွ ကျော်လွှားပြီး မျိုးဆက်သစ်တွေအတွက် တောက်ပတဲ့ အနာဂတ်ကို အုတ်မြစ်ချပေးနိုင်ခဲ့ပါပြီ။

ကျွန်တော်တို့ အောင်မြင်မှုတွေရဲ့ရှေ့ဆုံးမှာရှိနေတာက ဒေသရဲ့ ကိုယ်ပိုင်ကာကွယ်ရေးအင်အားဖြစ်တဲ့ အမျိုးသားကာကွယ်ရေးတပ်မတော်ရဲ့ ထူးထူးခြားခြားတိုးတက်မှုဖြစ်ပါတယ်။

မကြာသေးခင်က ကျူးကျော်စစ်ကိုခုခံခဲ့ကြရတာအားလုံးအသိဖြစ်ပါတယ်။ စဥ်ဆက်မပြတ်တိုးနေတဲ့တပ်မတော်က ရဲရင့်တဲ့ စစ်သည်တော်တွေဟာ ဒေသအပေါ် သစ္စာရှိတဲ့ တပ်မှူးတွေ့ရဲ့ ဦးဆောင်မှုအောက်မှာ နယ်မြေလုံခြုံရေးကို အာမခံနိုင်စေဖို့ စွမ်းရည်တွေ ပိုတိုးမြင့်လာခဲ့ပါတယ်။

စစ်ရေးအောင်မြင်မှုတွေအပြင် ယောနသန်ဟာ တခြားကဏ္ဍအသီးသီးမှာ သိသာထင်ရှားတဲ့ တိုးတက်မှုတွေကိုမြင်တွေ့ခဲ့ကြပြီးပါပြီ။ ကျွန်တော်တို့စီးပွားရေးဟာ ဆန်းသစ်တီထွင်မှု၊ စွန့်ဦးတီထွင်မှုနဲ့ အဓိကစက်မှုလုပ်ငန်းတွေမှာ ဗျူဟာမြောက် ရင်းနှီးမြှုပ်နှံမှုတွေကြောင့် မောင်းနှင်အား တိုးတက်ခဲ့ပါတယ်။ အခြေခံအဆောက်အအုံတွေ ကျယ်ကျယ်ပြန့်ပြန့်ဖွံ့ဖြိုးတိုးတက်လာခဲ့ပြီး ကုန်သွယ်မှုနဲ့ ကူးသန်းရောင်းဝယ်ရေးကို လွယ်ကူချောမွေ့စေခဲ့ပါပြီ။ ပညာရေးနဲ့ ကျန်းမာရေးစောင့်ရှောက်မှုစနစ်တွေဟာလည်း ပြည်သူတွေအတွက်အရည်အသွေးပြည့်မီတဲ့ ဝန်ဆောင်မှုတွေဆီ လက်လှမ်းမီနိုင်စေရေး အားကောင်းလာနေပါတယ်။

ဒါပေမယ့် ကျွန်တော်တို့ဟာမပြီးသေးပါဘူး။ ရှေ့လာမယ့် စိန်ခေါ်မှုတွေကို ရင်ဆိုင်ဖြေရှင်းရဦးမှာဖြစ်ပြီး နိုးနိုးကြားကြားနဲ့ တက်တက်ကြွကြွဖြစ်နေဖို့လိုပါတယ်။ နယ်မြေကို ကာကွယ်ဖို့ အသင့်ရှိနေစေရေးအတွက် ကျွန်တော်တို့တပ်မတော်ရဲ့ လေ့ကျင့်ရေးနဲ့ စွမ်းဆောင်ရည်မြှင့်တင်ရေးမှာဆက်ရင်းနှီးမြှုပ်နှံရမှာဖြစ်ပါတယ်။ဒေသ စဉ်ဆက်မပြတ် ဖွံ့ဖြိုးတိုးတက်ရေးနဲ့ သဘာဝပတ်ဝန်းကျင် ထိန်းသိမ်းရေးကို ဦးစားပေးဆောင်ရွက်မှာဖြစ်ပါတယ်ယ

ကျွန်တော်တို့ဟာ အနာဂတ်မှာ ပြည်သူတွေသက်သာချောင်ချိပြေလည်ပြီး သာယာဝပြောတဲ့ ငြိမ်းချမ်းပြီး အားလုံးပါဝင်နိုင်တဲ့ လူ့အဖွဲ့အစည်းတစ်ရပ်ကို အတူတကွ လက်တွဲဆောင်ရွက်ကြပါစို့။စည်းလုံးညီညွတ်မှုတို့နဲ့ အတူတကွ ရှေ့သို့ချီတက်ကြပါစို့။